9.4 C
Пинск
Пятница, 29 марта, 2024
Пiнскi Веснiк
Актуально Культура

“Слуцкі пояс – сімвал Беларусі” у аграгарадку Аснежыцы

Праект “Слуцкі пояссімвал Беларусі” рэалізоўваюць у Пінскім раённым Доме рамёстваў у аграгарадку Аснежыцы. Тут прапануюць дакрануцца да ўнікальных традыцый, здзейсніць пазнавальнае падарожжа ў свет беларускай культуры і ўбачыць знакаміты слуцкі пояс – узор дэкаратыўна-прыкладнога мастацтва 18 стагоддзя і сучасны брэнд нашай краіны.

Магчымасць на свае вочы ўбачыць і атрымаць асалоду ад прыгажосці адроджанага слуцкага пояса з’явілася дзякуючы заслужанаму дзеячу культуры Рэспублікі Беларусь, нашаму земляку Дзям’яну Рыгоравічу Лемяшэўскаму. Менавіта ён прадставіў экспанат для выставы.

“Слуцкі пояс – сімвал Беларусі” у аграгарадку Аснежыцы

Справа ў тым, што ў 2022 годзе Дзям’ян Рыгоравіч быў удастоены звання «Ганаровы паляшук». Знамянальная падзея адбылася падчас 7-га фестывалю этнакультурных традыцый “Кліч Палесся” ў аграгарадку Ляскавічы Петрыкаўскага раёна. Наш зямляк атрымаў у падарунак дыплом, бронзавую статуэтку палешука і слуцкі пояс, вытворчасць якіх адроджана ў Беларусі. І вось нядаўна падчас наведвання Дома рамёстваў Дзям’ян Рыгоравіч прапанаваў арганізаваць выставу, каб усе жадаючыя маглі пабачыць унікальны твор мастацтва. Задумка ўвасобілася ў жыццё.

У рамках праекта шмат новай інфармацыі пра слуцкія паясы ўжо даведаліся калектыў Аснежыцкага сельвыканкама і вучні Аснежыцкай сярэдняй школы. Дырэктар раённага Дома рамёстваў Баян Караткова пазнаёміла іх з гісторыяй стварэння ўнікальнага сімвала Беларусі, дапамагла здзейсніць падарожжа ў свет мінулага. Усе атрымалі задавальненне ад убачанага.

“Слуцкі пояс – сімвал Беларусі” у аграгарадку Аснежыцы “Слуцкі пояс – сімвал Беларусі” у аграгарадку АснежыцыУ Доме рамёстваў выказваюць шчырую падзяку Д.Р.Лемяшэўскаму за прадстаўленую магчымасць у ажыццяўленні праекта і асабісты ўклад у папулярызацыю нацыянальнай культуры, а таксама запрашаюць на экскурсію ўсіх зацікаўленых. Слуцкі пояс можна будзе ўбачыць да 16 студзеня.

Наталля МІЛЕЎСКАЯ.
Фота прадастаўлена Домам рамёстваў.

1 комментарий

Оставить комментарий

Похожие новости

Корреспондент газеты «Пiнскi веснiк» побывала на репетиции кавер-группы «Другой ритм»

pv

Оркестр духовой и эстрадной музыки приглашает на сольные концерты

pv

Логишинская библиотека – Сюда спешат, чтобы прикоснуться к бесценному богатству – книге

pv
ТГ канал