2 лiпеня ў Палацы Рэспублiкi адбыліся ўрачысты сход і канцэрт майстроў мастацтваў “Магістраль нашага жыцця”, прысвечаныя Дню Незалежнасці Рэспублікі Беларусь.
Праграма мерапрыемства была вельмі насычаная, сімвалічная і ўвабрала ў сябе ўсё тое, чым могуць і павінны ганарыцца беларусы за гады сваёй незалежнасці.
Уразіла выступленне-віншаванне Прэзідэнта Рэспублікі Беларусь Аляксандра Рыгоравіча Лукашэнкі, якое стала своеасаблівай прадмовай да беларускага народа напярэдадні важнейшага свята – Дня Незалежнасці нашай краіны.
У святочнай праграме прынялі ўдзел зоркі беларускай эстрады: Беларускі дзяржаўны ансамбль “Песняры”, народны артыст Беларусі Анатоль Ярмоленка і ансамбль “Сябры”, заслужаная артыстка Рэспублікі Беларусь Анжаліка Агурбаш, група “Аўра”, заслужаны артыст Аляксандр Саладуха і Вольга Плотнікава з дзецьмі і многія іншыя.
Ганна КАЛОДЗІЧ.
Фота БелТА і аўтара.