21 лютага разам з культурнай грамадскасцю ўсяго свету мы даволі цікава адзначылі свята.
Вельмі знакава, што мяне запрасілі з рэкламай беларускай мовы і нашага музея ў мясцовы дзіцячы садок. Адзначу, што валоданне дашкалятамі беларускай мовай мяне прыемна здзівіла. Хацелася б засяродзіць увагу на творчым падыходзе выхальнікаў у вырашэнні гэтага пытання.
А затым, праз некаторы час, у музей наведаўся дружны, творчы калектыў супрацоўнікаў Пінкавіцкага дзіцячага садка. Некаторым з іх экскурсія стала сапраўдным святам, бо апынуліся ў нашым музеі ўпершыню.
Дзень, праведзены поруч з дашкольнай установай, яшчэ раз пераканаў мяне ў важнасці вывучэння роднай мовы з дзіцячага ўзросту. І ў тым, што наш дзіцячы сад – сапраўды адзін з лепшых.
Жанна Верыч,
метадыст цэнтра творчасці дзяцей і моладзі Пінскага раёна.