Адыйшло Раство, а з ім і зімовыя канікулы. Калядны час зазвычай самы радасны ў годзе, час, калі ялінка ўпрыгожына, калі паветра напаўняецца водарамі мандарынаў і смачных цукерак.
На другі день Раства Маладзёжны савет Пінскай раённай арганізацыі Беларускага прафесійнага саюза работнікаў адукацыі і навукі наведаў выхаванцаў сацыяльна-педагагічнага цэнтра Пінскага раёна, каб разам стварыць цуд.
Моладзь з дзецьмі спявалі калядкі, танчылі, знаёміліся з гісторыяй сімвала Раства – ялінкай і дарылі адзін аднаму самае важнае ў марозныя дні – цёплыя і радасныя ўсмешкі.
Таксама члены савета вырашылі паднесці не толькі салодкія і зімовыя падарункі, але і развіваючыя. Сацыяльна-педагагічнаму цэнтру былі перададзены разнастайныя настольныя гульні, гульні-трэнажоры для развіцця маторыкі і памяці, настольнае лато, даміно і пазлы.
Для некаторых з нас гэтая сустрэча была асаблівай яшчэ і таму, што сярод дзяцей СПЦ былі іх навучэнцы. І гэтае трапятанне сустрэчы паказала, якім цудоўным, на самай справе, бывае Раство.
Пераапранутыя ў калядоўшчыкаў настаўнікі і выхаваўцы, дзеці – ў звяроў і прынцэс, разам стварылі прыгожую і кранальную калядную гісторыю.
З Новым годам і Раством Хрыстовым!
Анастасія Васілевіцкая, настаўнік ДУА «Табульская сярэдняя школа» Пінскага раёна, член Маладзёжнага Савета раённай арганізацыі прафсаюза.