Зараз у інфармацыйна-культурным цэнтры «Максімум» гарадской цэнтральнай бібліятэкі дзейнічае выстава Алены Пшанічнай «Адчуй сябе мастаком».
І насамрэч ужо некалькі разоў Алена Вітальеўна па просьбе наведвальнікаў праводзіць майстар-класы, своеасаблівыя ўрокі малявання. Сама мастачка распавядае, што гэта не зусім мастацтва, а больш заняткі па правапаўшарнаму маляванню. Яны даюць магчымасць чалавеку расслабіцца.
А.Пшанічная паказвае для ўзору «вучням» свой малюнак. Затым распавядае пра тэхніку, якія фарбы патрэбна змешваць, дапамагае тым, у каго крыху не атрымліваецца. На першы погляд усе малюнкі аднолькавыя, а насамрэч – розныя. У кагосьці больш насычаныя, у кагосці фарбы іншыя. Вядома, усе людзі розныя, і ў кожнага сваё бачанне навакольнага свету.
Акрамя таго, такія заняткі прыносяць адно задавальненне: і намаляваў карціну сабе, і пазнаёміўся з цікавамі людзьмі, і проста адпачыў душой.
Ірына ДЗЕНІСОВІЧ