У гарадскім Доме культуры адбыўся святочны канцэрт «Як на Шчодрую куццю».
Прыемныя ўражанні і добрыя эмоцыі – усё гэта падаравалі пінчукам лепшыя народныя калектывы горада і хары Пінскай епархіі.
Калядныя вячоркі прыйшліся даспадобы гледачам. У гэты дзень гучалі віншаванні са святамі: з Новым годам, з Раством Хрыстовым, з калядамі. Асабліва закранулі сэрца выступленні фальклорнага калектыву «Бацькаўшчына», народнага хору «Журавушка», салістаў народнай студыі эстраднай песні «ЛіК» Марыі Назаравай і Канстанціна Ларыёнава, мужчынскага ансамблю Свята-Варварынскага сабора.
Песні ліліся звонка, а апладысменты ўдзячных гледачоў змаўкалі ненадоўга. Вячоркі былі шчодрымі на эмоцыі: і паспявалі, і патанчылі, і ўсяго добрага нажадалі на ўвесь год. А лепшыя калектывы горада былі ўзнагароджаны дыпломамі і салодкімі падарункамі.
Наталля ЛЯШКЕВІЧ.
Фота аўтара.
Сачыце за навінамі разам з намі 👉@pinsk_newsPV