Лета – пара дабрачыннасці
Ва ўсякім разе, у нас, у музеях цэнтра творчасці – народным літаратурна-краязныўчым Якуба Коласа і піянерская славы.
Мы правялі экскурсіі для нашых суседзяў – насельнікаў псіханеўралагічнага дома-інтэрната для састарэлых і інвалідаў і для дзяцей з парушэннем слыху Пінскай школы- інтэрната. Вядома, гэта справа патрабавала ўліку ўзроставых і індывідуальных асаблівасцяў экскурсантаў, а таксама іншай методыкі і падыходу.
Мне падаецца, што ўсё ўдалося. Таму што і дзеці, і дарослыя не спяшаліся пакідаць музеі. Яны і спявалі, і гарнілі, і барабанілі. А як у квэст гулялі! А ў “Музеі сувеніраў” (выставачнай зале) госці доўга любаваліся лепшымі хэндмэйдамі нашых навучэнцаў.
Асабліва спадабаўся ім такі музейны інтэрактыў, як “Кіно бясплатнае”. (Напомню, што з нядаўняга часу ў музеі Якуба Коласа з’явіўся тэлевізар, дзе мы паказваем свае ўласныя відэаролікі.)
У чым жа адрозненне дабрачыннай экскурсіі ад звычайнай? Ды ў тым, што ў яе змест хочацца ўкласці больш любові, дабрыні, цяпла, каб хоць крышку кампенсаваць тое, чаго не стае гэтым людзям у жыцці.
Жанна Верыч,
метадыст раённага цэнтра творчасці дзяцей і моладзі.