Пётр Пархомчык даў вялікую прэс-канферэнцыю журналістам Першага рэгіёна
У Баранавіцкім раёне прайшла прэс-канферэнцыя старшыні аблвыканкама Пятра Пархомчыка для журналістаў рэгіянальных і рэспубліканскіх СМІ, блогераў.
Удзельнікі сустрэчы пабывалі ў паркугатэлі «Яркi» ў вёсцы Калбовічы. Сёння гэта велізарная тэрыторыя (60 га), гасцінічны комплекс, катэджы, рэстаран беларускай і еўрапейскай кухні. Журналістам расказалі пра тое, якія ўмовы створаны для адпачынку дарослых і дзяцей.
Мерапрыемства пачалося з мітынга і ўскладання кветак да Брацкай магілы
№ 428 у вёсцы Бярозаўка.
Для журналістаў прайшла экскурсія ў рамках культурнатурыстычнага маршруту ў экалагічна чыстым і маляўнічым месцы паблізу ракі Шчара на тэрыторыі паркагатэля «Яркi». Пасля яе завяршэння Пётр Пархомчык адказаў на пытанні прадстаўнікоў СМІ. (Больш падрабязную інфармацыю пра гэта чытайце ў наступным нумары газеты).
Кульмінацыйным момантам мерапрыемства стала цырымонія ўзнагароджвання пераможцаў штогадовага спаборніцтва сярод СМІ, журналістаў вобласці.
Рэдакцыя газеты «Пінскі веснік» стала пераможцам у намінацыі «Сярод рэдакцый абласных, аб’яднаных і рэгіянальных газет». У намінацыі «Лепшы нарыс «Наш сучаснік» перамогу атрымала выконваючы абавязкі загадчыка аддзела сельскіх навін «ПВ» Іна Урбановіч.
Тэлерадыёкампанія «Пінск» была таксама прызнана лепшай сярод тэлевізійных і радыёвяшчальных кампаній вобласці. Акрамя гэтага, ТРК атрымала дыплом за ўклад у рэалізацыю дзяржаўнай маладзёжнай палітыкі за праграму «Моладзь у аб’ектыве».
Шчыра дзякуем нашым чытачам і падпісчыкам, усім, з кім мы з вялікім задавальненнем супрацоўнічалі, за вашую падтрымку і вернасць «Пінскаму весніку». Мы працуем для ВАС!
Ганна Калодзіч
Фота Паліны Якушэнка
🚫 Полная перепечатка текста и фотографий запрещена.
⚠️ Частичное цитирование разрешено при наличии гиперссылки.