Клаўдыё Гуджэроці: “Для мяне Беларусь – другая радзіма”
У сталіцы Палесся адсвяткавалі 100-годдзе Пінскай дыяцэзіі Рымска-каталіцкай царквы. З гэтай нагоды на беларускую зямлю завітаў спецыяльны пасланнік Папы Льва XIV кардынал Клаўдыё Гуджэроці, прэфект Дыкастэрыі па справах Усходніх касцёлаў у Ватыкане.
Падчас візіту на Піншчыну кардынал Клаўдыё Гуджэроці адказаў на пытанні журналістаў.
Аб Беларусі:
– Вельмі задаволены маім візітам. Для мяне Беларусь – другая радзіма. Мне прыносяць задавальненне зносіны з людзьмі, з супольнасцю каталікоў, якая расце, умацоўваецца, а таксама кантакты з маімі праваслаўнымі сябрамі і сустрэчы з мясцовымі ўладамі. Я бачу вельмі прыгожую краіну, цудоўную чысціню і парадак, прыроду, якая выклікае захапленне. Людзі вельмі мілыя, гасцінныя, лагодныя, працавітыя.
Аб перспектывах візіту Папы Льва XIV у Беларусь:
– Ёсць вялікая любоў Папы да Беларусі. Таксама Дзяржаўны сакратарыят Святога Пасаду мае вялікую павагу да гэтай краіны. Гэта звязана з геаграфічным, геапалітычным становішчам, а таксама з багатай гісторыяй, рэлігійнай гісторыяй гэтай краіны, якая налічвае многія стагоддзі яшчэ з часоў Францыска Скарыны, які вучыўся ў тым жа ўніверсітэце, дзе я ў свой час выкладаў. Мы ганарымся ім у Падуі. Бачыце, ёсць усе магчымасці для візіту. Хоць у Папы вельмі шмат задач, абавязкаў, мы зробім усё, што толькі зможам, для гэтага.
Людміла Рэбкавец.
Фота аўтара.
🚫 Полная перепечатка текста и фотографий запрещена.
⚠️ Частичное цитирование разрешено при наличии гиперссылки.