Пінск рыхтуецца да Дня беларускага пісьменства, які адбудзецца ў першую нядзелю верасня ў Івацэвічах.
Састаўной яго часткай традыцыйна з’яўляецца Навукова-асветніцкая экспедыцыя “Дарога да святыняў” з Благадатным Агнём ад Гроба Гасподня.
Шлях “Дарогі да Святыняў” пралягаў праз многія раёны краіны.У гэтым годзе яго маршрут праходзіць і праз Піншчыну. Таму у сталіцы Палесся пабывала рабочая група па падрыхтоўцы правядзення навукова-асветніцкай вандроўкі. Яе ўдзельнікі сустрэліся з кіраўніцтвам горада і раёна і прадстаўнікамі духавенства. Яны абмеркавалі сустрэчу экспедыцыі, месца і час правядзення мітынга, які папярэдзіць крэсны ход па вуліцах горада. Гутарылі і пра месца пасадкі Сада Малітвы – дрэў, якія сімвалізуюць далучэнне да агульнадзяржаўнага свята Дня беларускага пісьменства. Былі разгледжаны і іншыя падрабязнасці будучай Навукова-асветніцкая экспедыцыі.
Аляксандр Лапата-Загорскі, кіраўнік экспедыцыі “Дарога да святыняў”:
– Ініцыятарам правядзення экспедыцыі была мая маці, Ніна Сямёнаўна Загорская. Калі яна была ў сілах, рабіла ўсё сама. З цягам часу і я далучыўся да гэтай справы, бо неабходна збярэгчы гэтую важную традыцыю. Аснаўная задача экспедыцыі – падаць раёнам, якія знаходзяцца ад Мінска на дзесяткі, часам сотні кіламетраў тую атмасферу, якая будзе панаваць у беларускай сталіцы пад час Дня беларускага пісьменства. Як вядома, сёлета свята адбудзецца ў Івацэвічах. Адпаведна з гэтым фарміруецца і састаў экспедыцяі. Ён вельмі разнастайны. Там будуць не толькі пісьменнікі, але і мастакі, музыканты, навукоўцы. Па Брэстчыне экспедыцыя пройдзе ўжо не першы раз. У гэтым годзе маршрут пракладзены праз Ляхавічы, Пінск, Драгічын, Іванава, Бярозаўскі раён, Белаазёрск, Івацэвічскі раён і завершыцца ў Івацэвічах. Усяго плануем прайсці 777 кіламетраў. Сімвалічна!
Ніна Сямёнаўна Загорская – член Саюза пісьменнікаў СССР, Саюза беларускіх пісьменнікаў, заслужаны дзеяч культуры Рэспублікі Беларусь.
Алена ЖУК.
Фота аўтара.