10.6 C
Пинск
Четверг, 28 марта, 2024
Пiнскi Веснiк
Общество

Галасуюць маладыя выбаршчыкі

Каля адной тысячы пінчан упершыню прыме ўдзел у сёлетняй прэзідэнцкай кампаніі ў якасці выбаршчыкаў. Пра гэта карэспандэнту «ПВ» паведаміў старшыня гарадской выбарчай камісіі Ігар Берасцень.



Найбольш маладых выбаршчыкаў чакаецца на ўчастках, якія знаходзяцца ў мікрараёне Радужным. Той, хто прыйдзе ўпершыню на галасаванне, атрымае памятную паштоўку-каляндар з віншаваннем ад Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў, а маладых выбаршчыкаў, якія прымуць удзел у важным дзяржаўным мерапрыемстве ў дзень свайго нараджэння, таксама чакаюць прыемныя падарункі ад гарадской арганізацыі ГА «Беларускі рэспубліканскі саюз моладзі». Дарэчы, БРСМ, каб выклікаць цікавасць і сфарміраваць актыўную грамадскую пазіцыю ў сучаснай моладзі, правёў досыць плённую інфармацыйную летнюю кампанію, асабліва сярод удзельнікаў студатрадаўскага руху. Гэта адкрытыя дыялогі на тэму «Беларусь: учора, сёння, заўтра», дзелавыя гульні «Азбука грамадзяніна», флэшакцыя ў парку культуры і адпачынку «За Беларусь!» і іншае.




Першы сакратар гарадскога камітэта БРСМ Вольга Дзямчук адзначыла: «Мне вельмі радасна выконваць гэтую місію і віншаваць упершыню галасуючых юнакоў і дзяўчат з такім адказным крокам – першымі ў іх жыцці выбарамі Прэзідэнта Рэспублікі Беларусь. Тым больш што я таксама вось-вось далучуся да кола летніх імяніннікаў, якія ідуць галасаваць у дзень свайго нараджэння, у мяне, дарэчы, ён восьмага жніўня, і, мне здаецца, гэта вельмі сімвалічна».

Ганна КАЛОДЗІЧ

Фота Вячаслава ІЛЬЯНКОВА

Оставить комментарий

Похожие новости

Урожай-2024 – В Плещицах сеют яровые

pv

Прошел конкурс профессионального мастерства “Лучший по профессии” среди социальных работников района

pv

Подписан план взаимодействия ДОСААФ и отдела по образованию райисполкома

pv
ТГ канал