14.8 C
Пинск
Четверг, 28 марта, 2024
Пiнскi Веснiк
Культура

У аграрна-тэхнічным каледжы прайшоў урок па рыцарскім узбраенні

  Для навучэнцаў аграрна-тэхнічнага каледжа імя А.Я.Кляшчова была праведзена незвычайная куратарская гадзіна. Да іх у госці завітаў каваль-рамеснік Аляксей Наздрын.

  А наведаўся ён, каб правесці для моладзі лекцыю пра сярэднявечную зброю. А.Наздрын ужо не першы раз прадстаўляе для пінчукоў вынікі сваёй творчасці – рэплікі (копіі) рыцарскіх даспехаў і зброі. У каледжы Аляксей паказаў узбраенне пачынаючы з ІХ-Х стагоддзяў, таму што менавіта да гэтага перыяду належаць першыя знаходкі зброі на Піншчыне. Самымі «маладымі» элементамі ўзбраення былі шлемы, у якіх, магчыма, змагаліся рыцары беларускіх зямель у Грунвальдскай бітве.


  Акрамя дэманстрацыі ўзбраення, Аляксей падмацоўваў усё гістарычнымі звесткамі аб сярэднявеччы і сваімі ведамі пра ўзбраенне рыцарства. Да таго ж ён плануе папоўніць сваю калекцыю элементамі даспехаў XVI – XVII стагоддзяў.

  Для А.Наздрына гэта сустрэча не толькі магчымасць паказаць і распавесці пра сваё захапленне, але і добрая нагода нагадаць моладзі пра нашых доблесных продкаў-палешукоў.



  Напрыканцы юнакі прымерылі на сябе рыцарскія даспехі. Дарэчы, аказалася, што насіць такое ўзбраенне справа далёка не лёгкая, а рыцары яшчэ і змагаліся ў ім.

  Гэта не апошняя лекцыя Аляксея пра ўзбраенне, над рэплікамі якога працуе каваль. Спадзяемся, што ў хуткім часе зможам назіраць новыя экспанаты ў калекцыі майстра.

  Ірына ДЗЕНІСОВІЧ

   Фота Ганны ВЯРЭНІЧ

Оставить комментарий

Похожие новости

Корреспондент газеты «Пiнскi веснiк» побывала на репетиции кавер-группы «Другой ритм»

pv

Оркестр духовой и эстрадной музыки приглашает на сольные концерты

pv

Логишинская библиотека – Сюда спешат, чтобы прикоснуться к бесценному богатству – книге

pv
ТГ канал