14.8 C
Пинск
Четверг, 28 марта, 2024
Пiнскi Веснiк
Год малой родины

Як пад Пінскам «Куст» вадзілі

Гэты дзіўны архаічны звычай, што захаваўся на Заходнім Палессі, выканалі супрацоўнікі сельскага Дома культуры вёскі Пінкавічы і ўдзельнікі народнага фальклорна-этнаграфічнага калектыву «Крыніцы».


На другі дзень Сёмухі збіраецца «жаночае войска». Маладую дзяўчыну ўпрыгожваюць кляновым лісцем і галінкамі – маем. Калісьці постаць амаль цалкам хавалі пад зялёнае «убранне», каб зусім ператварыць у рухомы куст. Паставіўшы наперадзе вось такую «умаёваную жрыцу», гурт рухаўся са спевамі з двара ў двор, жадаючы гаспадарам дабрабыту. Усё гэта адбываецца ў час росквіту жыватворных сіл прыроды. Таму лічылася, што абрад спрыяе ўраджаю, замужжу дзяўчат, якім таксама адрасуюцца песні. Было прынята, як і на Калядкі, пасля пажаданняў даваць гасцям пачастункі.




Першы этнаграфічны запіс абрада «Куст» быў зроблены на Піншчыне ў сярэдзіне ХІХ стагоддзя даследчыкам Рамуальдам Зянькевічам.





У наш час тэорыі паходжання і значэння звычая шмат працы прысвяціла навуковы супрацоўнік Інстытута мастацтвазнаўства, этнаграфіі і фальклору Нацыянальнай Академіі навук Беларусі Вольга Шарая, родам з вёскі Мокрая Дубрава.


У вобразе Куста – балетмайстар СДК Вольга ДЗІКАВІЦКАЯ

Вячаслаў ІЛЬЯНКОЎ

Фота аўтара


Нагадаем, што напрыканцы мінулага года ўнікальны абрад провадаў зімы ў вёсцы Пінкавічы быў прапанаваны навукова-метадычнай радай па пытаннях гісторыка-культурнай спадчыны пры Міністэрстве культуры Беларусі да надання Статусу гісторыка-культурнай каштоўнасці. Вядома ж, калектывы «Крыніцы» і мясцовага Дома культуры былі галоўнымі дзеючымі асобамі гэтай высокароднай справы ў гонар малой радзімы.

Оставить комментарий

Похожие новости

В глубине Ольманских болот на границе с Украиной открыли новую погранзаставу

pv

Октябрь 2020 года в Беларуси был самым теплым за последние 75 лет

pv

Сентябрь закончился, а осень не спешит

pv
ТГ канал