Калядавалі-шчадравалі – на ўвесь год багацця і шчасця пажадалі!
У нядзелю напярэдадні старога Новага года па вуліцах горада прайшлася са спевамі і танцамі пярэстая кампанія персанажаў беларускіх зімовых святаў і загарнула да галоўнай ёлкі. Там адбылося прадстаўленне калектываў – удзельнікаў фальклорнага фэсту «Як на Шчодрую куццю». З гэтай падзеі распачаліся мерапрыемствы рэспубліканскай акцыі «Пінск – культурная сталіца 2019». І вельмі сімвалічна, што пінчукі перш за ўсё звярнуліся да народных традыцый. Бо менавіта выканне абрадаў Калядаў і Шчадрухi садзейнічае спряльнаму і дабрадзейнаму ходу ўсяго года.
На свята да гараджан завіталі самадзейныя гурты з Малоткавіч, Кашавічаў, Ахова. Разам з імі святочны настрой стваралі славуты ансамбль «Палескія зоры», хор «Журавушка». Можна лічыць дэбютам выступленне дзіцячага фальклорнага калектыву «Бацькаўшчына» ГДК.
Фота Вячаслава ІЛЬЯНКОВА
Вы не можете скопировать содержимое этой страницы