Нядаўна ўзорная эстрадна-вакальная група «Фантастыка» вярнулася з ІІ міжнароднага конкурсу-фестывалю мастацтваў «Акадэмія зорак» лаўрэатамі І ступені ў намінацыі «Эстрадны вакал (13-15 гадоў)».
Гэты конкурс сярод шматлікіх міжнародных і ўсерасійскіх арганізоўвае фестывальны цэнтр «Жар-Птушка». Пінчукі і раней удзельнічалі ў конкурсах гэтага цэнтра, дзе заваёўвалі розныя ўзнагароды. Напрыклад, у 2015 годзе ў Санкт-Пецярбургу на «Неўскім ззянні» яны атрымалі Гран-пры. А вось у фестывалі «Акадэмія зорак» «Фантастыка» прымала ўдзел упершыню, і гэта перамога стала чарговым прыемным падцвярджэннем іх таленту і прафессіяналізму. Дарэчы, для прафесійнага погляду журы было прадстаўлена 125 конкурсных нумароў. У складзе журы былі Алёна Галліардт, Альбіна Тупальская, Максім Тімафееў, Сяргей Філатаў, Валерыя Маёрава і Аляксандр Барысюк. Пінчукі выступілі з кампазіцыямі «Бумажный змей» і «Beautiful life».
Мастацкі кіраўнік групы В.Г.Калодзіч падзялілася, што ім увогуле падабаецца прымаць удзел у «жар-птушкавых» фестывалях. «Яны заўжды адказна падыходзяць да арганізацыі як самой конкурснай часткі, так і каляфестывальных нюансаў», — распавядае Валянціна Георгіеўна.
«Фантастыка» на фестывалі «Акадэмія навук»
Удзельнічаць у конкурсах — для «Фантастыкі» справа звычайная. Група заўзята рыхтуецца да кожнага. Па-рознаму бывае, але выканаўцы заўжды чакаюць дастойнай ацэнкі сваёй працы. Узровень групы ўжо даўно гаворыць пра тое, што тут цудоўныя юныя зорачкі эстрады. Сапернікі бываюць розныя, і тым больш прыемна, калі з вялікай колькасці таленавітай моладзі выбіраюць пінчукоў.
Зараз у групе займаюцца Аліна Разумец, Аляксандр Наздрын, Вераніка Калодзіч, Арцём Райчук, Дар’я Мазырка, Канстанцін Стома, Фёдар Зельман.
На фестывалі адзначылі не толькі юных зорак — мастацкі кіраўнік Валянціна Калодзіч і педагог па вакалу Эліна Стасюкевіч атрымалі падзяку «за асабісты ўклад у развіццё творчых здольнасцей дзяцей і моладзі — ўдзельнікаў конкурсу, за актыўную творчую дзейнасць і супрацоўніцтва». Менавіта гэтыя людзі аддаюць свае сілы і час для таго, каб «Фантастыка» заўжды заставалася на высокім узроўні і дасягала новых вышынь.
У будучым «Фантастыка» плануе чарговы раз пацвердзіць сваё званне ўзорнай групы, а таксама прыняць удзел у розных фестывалях.
Ірына ДЗЕНІСОВІЧ
Фота з архіва групы
Гэты конкурс сярод шматлікіх міжнародных і ўсерасійскіх арганізоўвае фестывальны цэнтр «Жар-Птушка». Пінчукі і раней удзельнічалі ў конкурсах гэтага цэнтра, дзе заваёўвалі розныя ўзнагароды. Напрыклад, у 2015 годзе ў Санкт-Пецярбургу на «Неўскім ззянні» яны атрымалі Гран-пры. А вось у фестывалі «Акадэмія зорак» «Фантастыка» прымала ўдзел упершыню, і гэта перамога стала чарговым прыемным падцвярджэннем іх таленту і прафессіяналізму. Дарэчы, для прафесійнага погляду журы было прадстаўлена 125 конкурсных нумароў. У складзе журы былі Алёна Галліардт, Альбіна Тупальская, Максім Тімафееў, Сяргей Філатаў, Валерыя Маёрава і Аляксандр Барысюк. Пінчукі выступілі з кампазіцыямі «Бумажный змей» і «Beautiful life».
Мастацкі кіраўнік групы В.Г.Калодзіч падзялілася, што ім увогуле падабаецца прымаць удзел у «жар-птушкавых» фестывалях. «Яны заўжды адказна падыходзяць да арганізацыі як самой конкурснай часткі, так і каляфестывальных нюансаў», — распавядае Валянціна Георгіеўна.
«Фантастыка» на фестывалі «Акадэмія навук»
Удзельнічаць у конкурсах — для «Фантастыкі» справа звычайная. Група заўзята рыхтуецца да кожнага. Па-рознаму бывае, але выканаўцы заўжды чакаюць дастойнай ацэнкі сваёй працы. Узровень групы ўжо даўно гаворыць пра тое, што тут цудоўныя юныя зорачкі эстрады. Сапернікі бываюць розныя, і тым больш прыемна, калі з вялікай колькасці таленавітай моладзі выбіраюць пінчукоў.
Зараз у групе займаюцца Аліна Разумец, Аляксандр Наздрын, Вераніка Калодзіч, Арцём Райчук, Дар’я Мазырка, Канстанцін Стома, Фёдар Зельман.
На фестывалі адзначылі не толькі юных зорак — мастацкі кіраўнік Валянціна Калодзіч і педагог па вакалу Эліна Стасюкевіч атрымалі падзяку «за асабісты ўклад у развіццё творчых здольнасцей дзяцей і моладзі — ўдзельнікаў конкурсу, за актыўную творчую дзейнасць і супрацоўніцтва». Менавіта гэтыя людзі аддаюць свае сілы і час для таго, каб «Фантастыка» заўжды заставалася на высокім узроўні і дасягала новых вышынь.
У будучым «Фантастыка» плануе чарговы раз пацвердзіць сваё званне ўзорнай групы, а таксама прыняць удзел у розных фестывалях.
Ірына ДЗЕНІСОВІЧ
Фота з архіва групы